KML eta Getxo Igeriketa elkarrekin ari dira prestatzen AETN kongresurako

Bilera egin eta egun gutxira, LABeko lantaldeak beste lan-bilera bat egin du Getxoko Igeriketa eta Urko Arregi teknikariekin, Kongresuari begira azken xehetasunak zehazteko.

Txostena elkarrekin prestatzen

Topaketaren puntu nagusietako bat Gari eta Urko Arregik parte hartuko duten ponentziaren prestakuntzan aurrera egitea izan da, aurkeztuko diren edukiak bateratuz eta egindako lanaren zer alderdi azaldu nahi zaizkien bertaratutakoei definituz.

Bilerak bi aldeen beharrak koordinatzeko, Getxo Igeriketak eman beharreko informazioa eta materialak zehazteko eta Kirol Metodologi LABeko taldeak azken egun hauetan egingo duen lana antolatzeko ere balio izan du.

Azken txanpa Kongresuaren aurretik

Kongresua gero eta hurbilago dugula, aste garrantzitsu batean sartuko gara, eta azken hilabeteetan egindako lana igeriketako profesionalen topagune nagusietako batera eramango dugu.

Prozesu honetan funtsezkoa izaten ari da Getxo Igeriketarekin lankidetzan aritzea, bertako teknikarien ezagutza eta esperientzia LABek garatutako lan metodologiko eta teknologikoarekin uztartzea ahalbidetuz.